“Kəpəz” üçün Bakıda son iki gün

UEFA Avropa Liqasının I təsnifat mərhələsində “Daçiya”nın qonağı olacaq “Kəpəz” hazırlığı davam etdirir. Futbolxeber.az saytının məlumatına görə, “Sarı-göylər” Bakıda hazırlaşır. Komanda qarşıdakı matç öncəsi paytaxtda son iki məşqini bu gün və sabah keçəcək. Nizami yurdunun təmsilçisinin məşqləri “Qarabağ”ın Suraxanıda yerləşən məşq bazasında saat 17:30-da başlayacaq.

“Kəpəz”in heyətində iki futbolçunun yüngül zədəsi var. Tural Nərimanov və Tural Rzayevin müəyyən ağrıları olsa da, klubun tibb presonalının səyi nəticəsində hər iki futbolçu hazırlıq prosesində iştirak edə bilir.

“Kəpəz” PFK-nın rəhbərliyi Avroliqa oyununa hazırlıq üçün şərait yaratdığına görə Ağdam klubuna minnətdarlığını bildirir (klub saytı).