Marxel: “Azərbaycan millisi 1:4 hesablı məğlubiyyətə layiq deyildi”

Belarusun 19 yaşadək futbolçulardan ibarət milli komandasının baş məşqçisi Mixail Marxel yoxlama oyununda yığmamızı 4:1 hesabı ilə məğlub etdikəri görüş haqda danışıb. Futbolxeber.az saytına açıqlamasında o, Azərbaycan millisinin böyükhesablı yenilgiyə layiq olmadığını qeyd edib: “İlk hissədə azlıqda qaldıq. Buna görə də müəyyən dəyişiklik etdik. 10 nəfərlə qaldıqdan sonra müdafiədən oynamağa məcbur idik. Futbolçularım verilən tapşırıqları tam yerinə yetirdilər. Bu da məni sevindirir. Nəticədən də razıyam. Amma onu da deməliyəm ki, 4:1 hesabı komandaların real gücünün göstəricisi deyil. Azərbaycan millisi belə məğlubiyyətə layiq deyildi. Bəxtimizin gətirdiyini söyləməliyəm. Elə alındı ki, azlıqda qalmağımız xeyrimizə oldu. Azərbaycan millisinin penaltini qaçırması da nəticəyə birbaşa təsirini göstərdi. Rəqibə hörmətlə yanışırıq”.