Nazim Süleymanov: “Bu hesabla uduzacağımızı gözləmirdik”

“Bu hesabla uduzacağımızı gözləmirdik”. Futbolxeber.az saytına açıqlamasında bunu 19 yaşadək futbolçulardan ibarət milli komandamızın baş məşqçisi Nazim Süleymanov deyib.

U-19 millimiz yoxlama oyununda Belarusa 1:4 hesabı uduzub. Süleymanov böyükhesablı yenilginin səbəbini belə izah edib: “90 dəqiqə meydanda diqqətli olmaq lazımdır. Diqqəti itirəndə rəqib bundan faydalanır və sən uduzursan. Biz rəqibin diqqətsizliyindən istifadə etsəydik, hesab başqa cür olardı. Futbolçularda sanki sindrom var. Oyunun əvvəlindən inamsız olurlar. Öz səhvimizdən qol buraxdıq. Biz də rəqibin səhvindən cavab qolunu buraxdıq. Ardınca önə keçmək üçün gözəl şansımız vardı. Amma penaltidən faydala bilmədik. Rəqib isə penaltini qol çevirdi. Penaltini qaçırmağımız oyunun sınma nöqtəsi idi. Belarus yığması səhvlərimizdən yararlandı. Unutmaq olmaz ki, futbol ilk növbədə zəka oyunudur”.