“Lənkəranlı azarkeşlərdən penaltiyə görə üzr istəyirəm”

“Rəvan”ın üzvü Ruslan Tağızadə dünən “Xəzər Lənkəran”a qarşı oyunda hakimin təyin etdiyi penaltinin səhv qərar olduğunu etiraf edib. Futbolxeber.az saytının məlumatına görə, “Qafqazinfo”ya açıqlama verən Tağızadə deyib: “Oyundan sonra penalti epizoduna baxdım. Orada heç bir qayda pozuntusu yox idi. İstəməzdim ki, belə olsun. Həmin an heç nə düşünmək olmur. Meydanda gərgin mübarizə gedirdi. Həmin epizodda bilmədim 11 metrlik cərimə zərbəsi var idi, ya yox idi. Kənardan daha yaxşı bilinir. Lənkəranlı futbolçular çox üzüldü. Bunu anlayıram. Amma məndə günah yoxdur. O penalti verilməsəydi, mən də, komanda yoldaşlarım da pis olacaqdı. Lakin oyunda bilmədim ki, 100 faiz penalti deyil. Lənkəranlı azarkeşlərdən penaltiyə görə üzr istəyirəm”.