“Mövsümün əvvəlində kimsə desəydi ki, "İnter" çempionatı “dördlük”də bitirəcək...”

“İnter”in baş məşqçisi Zaur Svanadze komandasının cari mövsüm Premyer Liqadakı çıxışını dəyərləndirib. Futbolxeber.az saytının məlumatına görə, gürcü mütəxəssis komandasının çıxışından razı qaldığını qeyd edib: “Mövsümdən razıyıq. Hansı şərtlər altında çalışdığımızı hamı bilir. Mövsümün əvvəlində kimsə desəydi ki, “İnter” “dördük”də olacaq, buna inanmazdım. Ona görə də bütün komandaya təşəkkür edirəm. Uşaqlar böyük iş gördülər. Düzdür, bəzi oyunlarda daha yaxşı nəticə qazanmağımız mümkün idi. Hətta 2-3-cü yer uğrunda da mübarizə apara bilərdik. İstənilən halda, 4-cü yerdən razıyam”.