Vəli Qasımovdan azarkeşlərə təşəkkür

"Neftçi” PFK-nın baş məşqçisi Vəli Qasımov "Kəpəz” üzərində qələbədən (2:1) sonra fikirlərini bildirib. Futbolxeber.az saytının məlumatına görə, Qasımov azarkeşlərə təşəkkür edib: "Kəpəz” klubunu avrokuboklara vəsiqə qazanması münasibətlə təbrik edirəm. Mən özüm Gəncə şəhərindənəm, arzu edirəm ki, "Kəpəz” klubu Avropa Liqasının qrup mərhələsində oynasın. Bu günkü qarşılaşmaya gəlincə, ilk hissədə oyunumuz alınmadı, amma fasilədən sonra yaxşı oynadıq və qələbə qazandıq. Çalışacağıq ki, növbəti oyunlarda da azarkeşlərimizi sevindirək. Yeri gəlmişkən, azarkeşlərimiz uzun yol gəlmişdilər, dəstək olduqlarına görə onlara təşəkkür edirəm” (klub saytı).