Həmkarından Orxan Məmmədova dəstək: “Hər zaman yanındayıq"

FIFA referisi Rəhim Həsənov həmkarı, övladının sağlamlığında ciddi problem olan Orxan Məmmədova dəstək verib. Rəhim Həsənov Futbolxeber.az saytına açıqlamasında həmkarının yanında olduqlarını qeyd edib: “Hakim kimi həmkarımızın yanındadıq. Hər zaman ona dəstək olmağa hazırıq. Bu haqda nəsə deməyə ehtiyac yoxdur. Hər birimiz bacardığımız dəstəyi etməliyik. Konkret nəsə danışmağa da gərək yoxdur. O vəziyyətdə olan insana təkcə hakimlər yox, hər bir vətəndaş kömək etməlidir. Orxanı özünü görməmişik. Hazırda o, Avropa çempionatında iş başındadır”.

Qeyd edək ki, Orxan Məmmədovun 10 aylıq oğlu Nemət beynin normal inkişafının pozulmasından əziyyət çəkir. 4 dəfə Bakıda əməliyyat olunan körpə, artıq xaricdə müalicə almalıdır. Onun beyninə su yığılır. Yaşaması üçün Nemət Moskvada əməliyyat olunmalıdır.