“Qəbələ”nin məşqçisi: “Çətinliklə qalib gəldiyimizi deməzdim”

“Qəbələ”nin məşqçisi Mixaylov Savka Premyer Liqanın XXXI turunda “Xəzər Lənkəran”ı 1:0 hesabı ilə məğlub etdikləri oyun haqda danışıb. Futbolxeber.az saytının məlumatına görə, ukraynalı mütəxəssis minimal hesablı qələbəni belə şərh edib: “Çətinliklə qalib gəldiyimizi deməzdim. Birinci hissədə xeyli qol şansımız olsa da, dəyərləndirə bilmədik. Halbuki həmin şanslardan yararlansaydıq, qalan dəqiqələrdə işimiz daha asan olacaqdı. Heç bir oyun asan keçmir. Bu gün hər komandanın xala ehtiyacı var. Mövsümün sonudur. Ona görə də hazırda hansısa komandanın asanlıqla təsil olacağını gözləmək olmaz”.

Roman Qriqorçukun köməkçisi Aleksey Antonovun çıxışından razı qaldığını qeyd edib: “Antonov yaxşı oynadı. Hücumçu qol epizodları yaxalayırsa, deməli işinin öhdəsindən gəlir. Yaxaladığı epizodları dəyərləndirə bilməməsinin bəxtsizliklə əlaqələndirərdim (CBC-Sport).