“Xəzər Lənkəran” “Qəbələ” ilə oyunun hazırlığına başladı

Premyer Liqanın XXXI turunda Qəbələ şəhərinin eyni adlı təmsilçisini qonaq edəcək “Xəzər Lənkəran” bu gün hazırlığa start verib. Futbolxeber.az-ın klubun rəsmi saytına istinadən verdiyi məlumata görə, komanda iki günlük istirahətdən sonra Lənkərandakı bazasında gündə bir dəfə olmaqla məşqlərini davam etdirir. Son səfər matçında zədələnən futbolçular - Vüqar Bəybalayev və Nodar Məmmədov həkim nəzarəti altında fərdi məşqlərə artıq başlayıblar. Hər iki futbolçunun matçda iştirakı oyun günü bəlli olacaq.

Xatırladaq ki, “ Xəzər Lənkəran”- “ Qəbələ” matçı aprelin 23-də saat 16.30-da  “Xəzər Lənkəran” Mərkəzi Stadionunda  start götürəcək.