“Avropa çempionatında Azərbaycan millisinin uğurlu çıxışı üçün əlimdən gələni edəcəyəm”

“Püşkü normal dəyərləndirirəm. “B” qrupunu çıxmaq şərtilə, digər iki qrup çox güclüdür”. Futbolxeber.az saytına müsahibəsində bu sözləri 17 yaşadək futbolçulardan ibarət milli komandamızın üzvü Mətin Gülər deyib.

“Beşiktaş”ın yarımmüdafiəçisi Avropa çempionatının “A” qrupunda Portuqaliya, Belçika və Şotlandiya ilə mübarizədə yığmamızın şanslarını belə dəyərləndirib: “Qrupdan çıxmaq şansımız yüksəkdir. Öz meydanımızda, azarkeşlərimiz önündə oynayacağıq. Məncə, qrupdan çıxacağıq”.

Dünən ad gününü qeyd edən M. Gülər artıq bu gün millimizin düşərgəsində olacaq.

Gənc yarımmüdafiəçi “Beşiktaş”dakı durumunu da dəyərləndirib: “Pley-off oyunlarında mübarizə aparırıq. Klubda işlərim qaydasındadır. Özümü yaxşı hiss edirəm. Avropa çempionatında Azərbaycan millisinin uğurlu çıxışı üçün əlimdən gələni edəcəyəm”.