Ruslan Qurbanovun sarı vərəqəsi ləğv olundu

AFFA İntizam Komitəsinin növbəti iclası keçirilib. Futbolxeber.az saytının məlumatına görə, 16 aprel 2016-cı il, 2015/2016 mövsümündə, XXIV Topaz Premyer Liqasının XXX turunun “Neftçi” - “Qarabağ” matçında “Neftçi” klubunun 5 futbolçusu sarı vərəqə ilə cəzalandığı üçün klub 1000 manat cərimə olunub.

 “Neftçi” – “Qarabağ” matçının 23-cü dəqiqəsində “Neftçi” klubunun futbolçusu  Ruslan Qurbanov sarı vərəqə ilə cəzalanıb.

“Neftçi” klubu bu epizodla bağlı İntizam Komitəsinə müraciət ünvanlayaraq öz etirazlarını bildirib.

İntizam Komitəsi oyunun video yazısını izlədikdən sonra aşağıdakı qərarları qəbul edib:

Oyunun 23-cü dəqiqəsində “Neftçi” klubunun 11 №-li futbolçusu Ruslan Qurbanova Simuliyasiyaya görə göstərilmiş sarı vərəqə hakim tərəfindən epizodu düzgün qiymətləndirilmədiyi səbəbindən ləğv olunur.