Avropa çempionatı öncəsi millimizdə ciddi problem: “Vəziyyət heç də ürəkaçan deyil”

17 yaşadək futbolçulardan ibarət milli komandamızın Avropa çempionatı öncəsi əsas problemi zədəli futbolçulardır. Futbolxeber.az saytının məlumatına görə, komandanın kapitanı Elçin Əsədov artıq zədəsini bərpa edib. Əsədov bu gündən etibarən yüngül məşqlərə başlayıb. Bir neçə gün əvvəl yığmamızın qapıçısı Kamran Ibrahimov da zədələnmişdi. Lakin “Neftçi”nin qapıçısının durumu yaxşıdır. Gənc qapıçının zədəsi ciddi deyil.

Elçin və Kamrandan fərqli olaraq, “Beşiktaş”ın müdafiəçisi Hüseyin Seyliqli ilə bağlı vəziyyət heç də ürəkaçan deyil. Gənc futbolçu bir neçə gün əvvəl saytımıza açıqlamasında qitə birinciliyinə qədər sıraya dönəcəyini bildirmişdi. Lakin millimizin baş məşqçisi Təbriz Həsənov fərqli fikir bildirib: “Hüseyin çempionatda komandaya kömək etməyi çox istəyir. Buna görə də maya qədər hazır olacağını bildirib. Lakin vəziyyət heç də ürəkaçan deyil. Onda yırtıq var. Bu isə 2-3 həftəyə düzələn deyil.