Bəhmən Həsənov: “Zirə” ilə bir dəfə də oynasaq, rəqibin hücumçusunu ...”

“Zirə” ilə bir dəfə də oynasaq, rəqibin hücumçusunu bombardir edəcəyik. Verdiyimiz hədiyyələr bu gün məğlubiyyətimizə gətirib çıxardı”. Futbolxeber.az saytının məlumatına görə, bu sözləri “Zirə” ilə oyundan sonra “Rəvan”ın baş məşqçisi Bəhmən Həsənov deyib.

Həsənov Premyer Liqanın 29-cu turunda “Zirə”yə 0:4 hesabı ilə uduzduqları görüş haqda bunları söyləyib: “Deməzdim oyun zəif oldu. Sadəcə, müdafiədə buraxdığımız birəbir səhvlər səbəbindən uduzduq. Hər oyunda qələbə qazanmaq istəyirik. Amma uduzanda da qapımızda çox qol görürük”.

“Rəvan”ın çalışdırıcısı qeyd edib ki, hazırda yeganə rəqibləri “Xəzər Lənkəran”dı: “Hazırda yalnız “Xəzər Lənkəran”la mübarizə aparırıq. Digər komandaları turnir cədvəlində ötməyimiz real deyil. “Xəzər Lənkəran” da yaxşı komandadı. Sona kimimübarizə aparacağıq. Heyətimizdə yer alan futbolçuların 70 faizinin səviyyəsi Premyer Liqaya uyğun deyil” (CBC-Sport).