Qarqarov: ya "Bakı", ya da "İnter"

Bolqarıstan millisinin yarımmüdafiəçisi Emil Qarqorov karyerasını Azərbaycanda davam etdirə bilər. Futbolxeber.az-ın məlumatına görə, Bolqarıstan mətbuatının iddiasına görə, 32 yaşlı hücumameylli yarımmüdafiəçi ilə həm  “Bakı”, həm də “İnter” maraqlanır.

Qeyd edək ki, Qarqarov karyerası ərzində "Lokomotiv", ÇSKA (hər ikisi Sofiya), "Strasburq" (Fransa), "Universitatea Kraiova" (Rumıniya) klublarında çıxış edib. Son olaraq vətənində "Ludoqorets"in şərəfini qoruyan 32 yaşlı futbolçu burada meydana çıxdığı 48 oyunda 19 qol vurub. O həm də 2001-ci ildən Bolqarıstan millisinə dəvət alır. 12 il ərzində 18 dəfə millinin heyətində meydana çıxan təcrübəli futbolçu 2 dəfə rəqiob qapılarına yol tapıb.