Şahin Diniyevdən qələbə şərhi

Azərbaycan Premyer Liqasının XXVII turunun “Kəpəz” - “Zirə” oyunundan sonra mətbuat konfransı keçirilib. Futbolxeber.az saytının məlumatına görə, Gəncə klubunun baş məşqçisi Şahin Diniyev rəqib üzərindəki 2:0 hesablı qələbəni belə şərh edib: “Bizim üçün asan oyun yoxdu, bütün görüşlər çətindir. Komandanın qarşısında aqressiv oynamaq və rəqibə pressinq tətbiq etmək tapşırığı qoyulmuşdu. “Zirə”nin müdafiə xətti güclüdür. Mənə elə gəlir ki, futbolçularımız üzərlərinə düşəni edə bildilər. Meydançanın hər qarışı uğrunda vuruşdular. Qələbəyə layiq futbol oynadıq. Ona görə oyunçulara təşəkkür edirəm. Sıx qrafiklə işləyirik, heyətimiz də kasaddır. Azarkeşlərimizi hər tur sevindirə biliriksə, bu, böyük xoşbəxtlikdir” (klub saytı). .