Rövnəq Abdullayev “Neftçi”dən narazılıq etdi: “Samir Əliyevi işindən niyə uzaqlaşdırdılar ki?”

“Mən klubların daxili işlərinə qarışmıram. Amma məsləhətim odur ki, məşqçi dəyişikliklərini minimuma endirmək lazımdı”. Futbolxeber.az saytının məlumatına görə, bunu AFFA prezidenti Rövnəq Abdullayev deyib.

R. Abdullayev “Neftçi”nin Samir Əliyevi işindən uzaqlaşdırmasının düzgün olmadığını vurğulayıb: “Bəzi klublar anlamırlar ki, məşqçi dəyişikliyi ilə inqlab etmək olmaz. Məşqçini dəyişdikdə ondan möcüzə gözləməyə dəyməz. “Neftçi” mövsümə Samir Əliyevlə başlamışdı. Onu işindən niyə uzaqlaşdırdılar ki? Mən “Neftçi”yə rəhbərlik edəndə Qurban Qurbanova şans verdik. O zaman hər uğursuzluqdan sonra jurnalistlər mənə Qurbanovun istefası ilə bağlı sual verirdilər. Mən də demişdim ki, Qurban Qurbanov 200 oyun uduzsa da, onunla vidalaşmayacağam”.