Əsgər Abdullayev: “Bəzi oyunçuların başına ağıl qoymaq lazımdı”

“Komandamın oyunundan razı qalmadım. Futbolçular komanda oyunundan daha çox fərdi oyuna üstünlük verirdilər”. Futbolxeber.az-ın məlumatına görə, bu sözləri “Neftçi”nin baş məşqçisi Əsgər Abdullayev deyib.

Premyer Liqanın XXII turu çərçivəsində səfərdə “Qarabağ”la qarşılaşan “ağ-qaralar”ın çalışdırıcısı 0:2 hesablı məğlubiyyətdən sonra matçı dəyərləndirib: “Bəzi oyunçuların başına ağıl qoymaq lazımdı. Onlarla fərdi söhbət edəcəm”.

- Növbəti turda Kanalesi meydanda görə bilərik?

- Kanales komandanın məşqlərində iştirak edir. Komandanın hücum xəttində problemlər var. Biz də istəyərdik ki, Kanales gələn oyunda iştirak etsin.

- Dediz ki, komanda sizin tapşırıqlarınıza əməl etmir. Bu komandadakı intizamsızlıqdan irəli gəlmir ki? İntizamsızlığa görə futbolçular cəzalandırılır? Ruslan Qurbanov artıq neçə oyundu aqressivliyi ilə seçilir...

- Ruslan artıq bir dəfə cəzalandırılıb. Yəni onun hərəkətləriylə bağlı artıq ölçü götürülüb.

Mənbə: apasport.az