“Erik Ramos məni təxribata çəkdi”

“Maraqlı oyun alındı. Azərbaycana yeni gəlmişəm. Çempionatın səviyyəsi yaxşıdı. "Neftçi" də çox yaxşı komandadı. Çox şadam ki, bu gün xal qazana bildik”. Futbolxeber.az saytına müsahibəsində bu sözləri “Rəvan”ın üzvü Yasin Həmid deyib.

Gənc futbolçu qırmızı vərəqə aldığı epizodu belə şərh edib: “Rəqibin futbolçusu Erik Ramos məni təxribata çəkdi. Əvvəlcə o məni əli ilə itələdi. Mən də onu qarşılıq verdim və Ramos dərhal özünü yerə atdı. Hakimin qərarı ilə razıyam, qırmızı vərəqə var idi. Bununla belə, meydanı tərk etmək istəmirdim. Emosiyalara qapıldım. Həyatımda ilk dəfədir ki, qırmızı vərəqə alırdım”.

Yasin Həmid oyunları boykot edəcəkləri haqda xəbərləri təkzib edib: “Yalan məlumatdı. Məşqimizi edib, oyunlara hazırlaşırıq. Pulu ödəyəcəklər ya yox, bu barədə bir söz deyə bilmərəm”.

O, azərbaycanlı olduğu barədə deyilənləri də yalanlayıb: “Azərbaycanlı deyiləm. Atam misirli, anam isə Krımdandı. Azərbaycanla hər hansı bağlılığım yoxdu”.