Şahin Diniyev: “Hesab arasında fərq belə böyük olmamalıydı”

“Xəstə olmağıma baxmayaraq, bu gün komandanın yanında olmağı özümə borc bildim. Mən olmasam da, köməkçilərim komandanı oyuna yaxşı hazırlamışdılar”. Futbolxeber.az-ın məlumatına görə, bu sözləri “Kəpəz”in baş məşqçisi Şahin Diniyev “Qəbələ” ilə oyundan (3:0) sonra deyib.

Təcrübəli mütəxəssis böyükhesablı qələbəni belə şərh edib: “Yevlaxda qış fasiləsində yaxşı hazırlıq keçmişdik. Bu gün də onun bəhrəsini gördük. Komandam bu gün yaxşı oynadı. Layiqli qələbə qazandıq. Lakin hesab arasında fərq belə böyük olmamalıydı”.