“Artıq Avropa klubları “Qarabağ”dan çəkinirlər”

“Antalyada Premyer Liqa klublarından yalnız “Qarabağ”ın yoxlama oyunlarını izləyə bildik. Digər klubların matçlarına baxmağımız mümkün olmadı”. Futbolxeber.az saytına açıqlamasında bu sözləri 21 yaşadək futbolçulardan ibarət millimizin məşqçisi Babək Alxasov deyib.

Təcrübəli mütəxəssis Ağdam klubu haqda yüksək fikirlər səsləndirib: “Qarabağ”ın Antalyada 2 oyununa baxırdıq. U-21-in kapitanı Azər Salahlının ordakı çıxışıni izlədik. Ağdam klubu güclü rəqiblərə qarşı inamlı oyun sərgilədi. Artıq hiss olunur ki, Avropa klubları “Qarabağ”dan çəkinirlər. “Qarabağ”la oynayan komandalar təmsilçimizə daha çox hörmətlə yanaşırlar”.