“Kəpəz”in bazası Azərbaycanda ən yaxşı olacaq”

“Hazırda bazanın planı üzrə iş gedir. Yəqin ki, martdan etibarən “Kəpəz”in bazasının inşasına start veriləcək”. Futbolxeber.az saytına müsahibəsində bu sözləri “Kəpəz”in baş məşqçisi Şahin Diniyev deyib.

Təcrübəli mütəxəssis qeyd edib ki, Gəncə klubu üçün Göygöldə inşa olunacaq baza Azərbaycanın ən yaxşısı olacaq: “Bazamız təbiətin qoynunda yerləşəcək. 2 təbii meydança inşa olunacaq. Həm yayda, həm də qışda burada yüksək səviyyəli hazırlıq keçmək mümkün olacaq. Hər şey plana uyğun getsə, yəqin ki gələn mövsüm bazanın xidmətindən yararlana bilərik. “Kəpəz”in bazası Azərbaycanda ən yaxşı olacaq”.