“Qəbələ” “Sürix”i darmadağın etdi

Türkiyədə təlim-məşq toplanışında olan “Qəbələ” bu gün hazırlıq prosesi çərçivəsində növbəti yoxlama oyununu keçirib. Futbolxeber.az-ın məlumatına görə, Roman Qriqorçukun komandası Isveçrə təmsilçisi “Sürix”lə qarşılaşıb. Matç təmsilçimizin 4:0 hesablı qələbəsi ilə başa çatıb. “Qırmızı-qaralar”ın qollarına Vadim Abdullayev, Aleksey Antonov (2) və Samir Zərgərov imza atıblar.

Xatırladaq ki, “Qəbələ” ilk yoxlama görüşündə Almaniyanın “Osnabryuk” klubu ilə heç-heçə oynayıb - 1:1.