“Qarabağ”dan böyükhesablı qələbə

Türkiyədə təlim-məşq toplanışında olan “Qarabağ” bu gün hazırlıq prosesi çərçivəsində növbəti yoxlama oyununu keçirib. Futbolxeber.az-ın məlumatına görə, Ağdam klubu Macarıstan təmsilçisi “Diosqyor”la qarşılaşıb. Matç təmsilçimizin 4:0 hesablı qələbəsi ilə tamamlanıb. Qurban Qurbanovun komandasından Maksim Medvedev, Muarem Muarem, Rahid Əmirquliyev və Mahir Mədətov fərqlənib.

Xatırladaq ki, “Qarabağ” ilk görüşündə Almaniyanın Regional Liqa təmsilçisi “Rot-Vays”ı 1:0 hesabı ilə məğlub edib.