“Neftçi” 11 il əvvəlki zəfəri yenidən xatırlatdı: Rəhbər şəxslər isə unuduldu

“Neftçi” klubu 11 il əvvəl, 2005-ci ilin 19 yanvarında Moskvada keçirilən “Birlik Kuboku”nun 1/4 finalında Ermənistan çempionu “Pünik” üzərində qazanılan tarixi qələbəyə (2:0) həsr olunmuş “Ağ-qara yaddaşımız” adlı qısametrajlı film hazırlayıb. Futbolxeber.az-ın məlumatına görə, filmdə komandanın o vaxtkı baş məşqçisi Ağasəlim Mircavadov, futbolçulardan Hüseyn Məhəmmədov, Iqor Getman, Zaur Tağızadə, Rəşad Sadıqov, Vidadi Rzayev, Mahmud Qurbanov və Emin Quliyevin fikirlərinə yer verilib. Film yaxşı alınsa da, həmin vaxt klubun rəhbər şəxsləri olanlar nədənsə unudulub. Halbuki klub prezidenti Rövnəq Abdullayev və vitse-prezident Ramin Musayevin bu qələbədə payı heç də digərlərindən az deyildi..