“Zirə” 20 Yanvarı unutmadı

Antalyada təlim-məşq toplanışında olan “Zirə” bu gün yoxlama oyununda Almaniyanın Regional liqası təmsilçilərindən “Optik”lə qarşılaşıb. Oyundan öncə “Zirə” tərəfindən 20 Yanvar faciəsi ilə bağlı kompaniya keçirilib. Üzərində 1990-cı il yanvarın 19-dan 20-nə keçən gecə baş verənlərin təsvir olunduğu şəkillər və faciə haqqında yazılı məlumatların yer aldığı kağızlar üç dildə hazırlanaraq, həm Almaniya təmsilçisinə, həm də “Zirə”nin futbolçularına təqdim edilib. Bundan başqa, təmsilçimizin futbolçuları meydana qara sarğıyla çıxıblar və oyundan öncə 20 Yanvar şəhidləri bir dəqiqəlik sükutla anılıb.