Yuri Syomin: "Məncə, hər şey asan və normal olacaq"

"Qəbələ"də işləmək mənə çətin olmayacaq. Komandanın yaxşı şəraiti, stadionu var. Məncə, hər şey asan və normal olacaq". Futbolxeber.az-ın məlumatına görə, bu sözləri "Qəbələ"nin yeni çalışdırıcısı Yuri Syomin deyib.

Yeni köməkçilərinin Sənan Qurbanov, Vüqar Məmmədov və Andrey Syomin olacağını bildirən tanınmış mütəxəssis Azərbaycan klubları haqda fikirlərini belə açıqlayıb: "Azərbaycanda çox güclü komandalar var. Bu baxımdan “İnter”, “Qarabağ”, “Xəzər Lənkəran”, “Neftçi”nin adını çəkə bilərəm. Güclü mübarizə gedəcək. Biz də çalaşacağıq ki, bu mübarizədə yaxşı oyun göstərək".

Syomin Andrey Arşavinin "Qəbələ"yə mümkün keçidini belə şərh edib: "Arşavinlə bağlı bir şey bilmirəm. Əlbəttə, bizə güclü futbolçular lazım olacaq. Dəyişikliklər edəcəyik. İndi konkret söz deyə bilmərəm. “Lokomotiv”də işləyəndə gənc futbolçulara üstünlük verirdik. İndi də “Qəbələ” Futbol Akademiyasının futbolçularından yararlanmağa çalışacağıq. Həmişə Azərbaycanda yaxşı hücumçular olub: Banişevski, Nazim Süleymanov. İndi də istedadlı futbolçular var. Çalışacağıq ki, bu futbolçulardan istifadə edək".