Qurban Qurbanov: “Qrupdan çıxmaq üçün sona qədər mübarizə aparacağıq”

“Uduzmaq istəmirdik. Təəssüf ki, alınmadı. Bütün oyun boyu müdafiədə diqqətli olsaq da, rəqibin ustalığı bizi səhv buraxmağa məcbur etdi”. Futbolxeber.az-ın məlumatına görə, bu sözləri “Monako” ilə oyundan sonra “Qarabağ”ın baş məşqçisi Qurban Qurbanov deyib.

Təcrübəli mütəxəssis rəqibin şansından yararlandığını bildirib: “Topla yaxşı rəftar edən rəqibə qarşı oynamaq çətindir. Məncə, müdafiədə yaxşı təsir bağışladıq. Rəqibin hücumlarının qarşısını ala bildik. Lakin 90 dəqiqə ərzində bunu etmək çətindir. “Monako” öz şansını dəyərləndirdi”.  

Qurbanov növbəti oyunda Bakıda qələbə qazanmaq istədiklərini vurğulayıb: “Növbəti oyunda Bakıda “Monako”ya qarşı daha yaxşı oynamağa çalışacağıq. Hazırda rəqibi daha yaxşı tanıyırıq. Növbəti turda öz meydanımızda maksimal nəticə qazanmaq istəyirik. Qrupdan çıxmaq üçün sona qədər mübarizə aparacağıq”.

Mənbə: azerisport.com