İlkay Gündoğan: “Qəbələ” qrupda ikinci yeri tuta bilər”

Dortmund “Borussiya”sının yarımmüdafiəçisi İlkay Gündoğan “Qəbələ” ilə oyundan sonra Futbolxeber.az saytına qısa müsahibə verib.

- “Qəbələ”yə qalib gəldiyiniz oyun haqda nə deyə bilərsən?

- Qalib gəldiyimiz üçün şadıq. Bu oyunda 3 xal qazanmaq istəyirdik. Məqsədimizə çatdıq. Buna görə sevinirik. Oyunun ilk 15 dəqiqəsi bizim üçün çətin idi. “Qəbələ”nin oyunun əvvəlində 2 real qol şansı oldu.

- “Qəbələ”dən belə başlanğıc gözləyirdiz?

- Sözün açığı, gözləmirdik. Bizə qarşı müdafiədən oynayacaqlarını gözləyirdik. Matçın əvvəlində hücuma atılmaları bizim üçün sürpriz oldu. Biz də müdafiədə yaxşı oynadıq. Daha sonra hücumda fəallaşdıq və 3 qol vurduq. Qələbəyə layiq olduğumuzu düşünürəm.

- “Borussiya” qrupda hər 3 rəqibə qarşı oynayıb. Səncə, ikinci yeri “Qəbələ”, PAOK, yoxsa “Krasnodar” tutacaq?

- Hər 3 komanda güclüdür. Bizim hədəfimiz qrup birincisi olmaqdı. Lakin nə növbəti mərhələyə vəsiqəni, nə də qrup birinciliyini təmin etmişik. O ki qaldı ikinciliyə, digər 3 komandanın hər biri istəyinə çata bilər. Qrupda ikinci yeri “Qəbələ” də tuta bilər, digərləri də. Çox maraqlı mübarizə gedəcək.