“Qəbələ” - “Borussiya”: Xorvat hakimin Bakıya üçüncü səfəri

Avroliqanın qrup mərhələsinin III turu çərçivəsində keçiriləcək “Qəbələ” - “Borussiya” oyununu xorvat Ivan Bebekin idarə edəcəyi barədə xəbər vermişdik. Bu, Bebekin Bakıya ilk səfəri deyil. Futbolxeber.az-ın məlumatına görə, xorvat hakim daha əvvəl 2 dəfə də Bakıda baş hakim kimi meydana çıxıb.

2005-ci ildə Bebek Çempionlar Liqasının I təsnifat mərhələsi çərçivəsində keçirilən “Neftçi” - “Hafnarfyordur” matçını Bebek idarə edib. Həmin görüş “Neftçi”nin 2:0 hesablı qələbəsi ilə başa çatıb. Elə 2007-ci ildə baş tutan Azərbaycan - Portuqaliya matçında da həmin hesab qeydə alınıb. Lakin fərq ondadır ki, Bebekin Azərbaycan paytaxtında idarə etdiyi ikinci matçda qonaqlar sevinib.

Bebek avrokuboklarda Almaniya klublarının 8 oyununu idarə edib və bu matçda Bundesliqa təmsilçiləri 2 qələbə qazanıb, 2 heç-heçə edib və 4 dəfə uduzublar. Bbebekin idarə etdiyi səfər oyunlarının heç birində alman klubları qələbə qazanmayblar - 1 heç-heçə, 3 məğlubiyyət.

Yığma səviyyəsində xorvat hakim almanların 3 oyununda iş başında olub. Almanlar həmin 3 oyununun 2-də uduzublar, 1 dəfə isə heç-heçəyə nail olublar.