“Neftçi” “Dəri top” turnirinin qalibidi

Rusiyanın Krasnodar şəhərində keçirilən “Dəri top” turnirinə yekun vurulub. Futbolxeber.az-ın məlumatına görə, “Neftçi” PFK-nın U-14 komandası final matçında Cənubi Osetiyanın “Barsalan” klubunu məğlub edərək çempion adını qazanıb. 4:1 hesabı ilə başa çatmış oyunda baş məşqçi Eldəniz Məmmədovun yetirmələrindən 2 dəfə Musa Qurbanlı, hərəyə 1 dəfə isə Mübariz Soltanov və Valeh Qəhrəmanlı fərqləniblər.

Qeyd edək ki, turnirin bütün oyunlarında qələbə qazanmış “Neftçi”nin yeniyetmələri qrup görüşlərində Tacikistanın “Umed” (3:0), Rusiyanın “Puls” (2:1), Moldovanın “Spiru Xaret” (4:1), Rusiyanın “Nadejda” (3:2) və Abxaziyanın “Qudauta” (9:0) klublarına qalib gəlib.