“Xəzər Lənkəran” - AZAL oyunu baş tutacaq!

Bu gün Premyer Liqanın VIII turu çərçivəsində keçirilməli olan “Xəzər Lənkəran” – AZAL oyunu baş tutacaq. Bu haqda Futbolxeber.az saytına Lənkəran klubunun mətbuat xidmətinin rəhbəri Hüseyn Cəbrayıloğlu məlumat verib. Klub rəsmisi qeyd edib ki, hazırda Lənkəranda günəşli hava var, yağış yağmır. Bu səbəbdən də görüşün baş tutması üçün heç bir problem yoxdur.

Xatırladaq ki, son günlər Lənkəranda aramsız yağan yağışlar Lənkəran stadionuna ciddi problemlər yaratmışdı. Hətta stadionunun su altında qalması ehtimalı da var idi. Bu səbəbdən də "Xəzər Lənkəran" - AZAL görüşü təxirə salına bilərdi.