Stamenkoviç aranı qatdı, Plaza vuruldu

Xəbər verdiyimiz kimi, Azərbaycan kubokunun final oyunundan dərhal sonra qalmaqal baş verib. Futbolxeber.az-ın məlumatına görə, qalmaqalın səbəbkarı “Neftçi”nin qapıçısı Saşa Stamenkov olub. Belə ki, serb qapıçı rəqib komandanın üzvlərinə qarşı qeyri-etik jestlər edib.

Bundan sonra “Xəzər Lənkəran”ın baş məşqçisi Con Toşak meydana daxil olaraq Stamenkoviçə etirazını bildirib. Sonra serbiyalı qapıçı yaxınlaşaraq Toşakın əlini sıxıb. Lakin bundan sonra da Stamenkoviç rəqibn futbolçularının ünvana təhqiramiz ifadələr işlədib. Nəticədə meydanda hər iki komandanın üzvləri arasında qarşıdurma baş verib. İnsident zamanı "Xəzər Lənkəran"ın məşqçisi Aleksis Plaza xəsarət alıb. İspan məşqçinin sifəti al-qana boyanıb. Eləcə də "Xəzər Lənkəran"ın futbolçularından birinin də sifəti qana boyanıb. "Neftçi" tərəfdən isə heç kim xəsarət almayıb.

Qeyd edək ki, insidentddən öncə "Xəzər Lənkəran"ın fəxri-prezidenti Mübariz Mənsimov komandanın paltardəyişmə otağına yollanmaq istəsə də, qalmaqala görə fikrindən vaz keçib.