“Neftçi”dən rəsmi açıqlama: "Müşahidə Şurasına sabahkı toplantıda yeni üzv seçilməyəcək"

“Neftçi” klubu rəsmi şəkildə Müşahidə Şurasının sabahkı iclasında Əsgər Abdullayevin mərhum Mübariz Zeynalovun xələfi olaraq şuraya üzv seçiləcəyi haqda yayılan xəbərlərə münasibət bildirib. Klubun İnformasiya və İctimaiyyətlə Əlaqələr Departamentinin rəhbəri Mehman Rəsulov Futbolxeber.az saytına açıqlamasında bunları deyib: “Müşahidə Şurasına yeni üzvün seçilməsi haqda qərarı klubun təsisçisi qəbul edir. Klubun təsisçisi tərəfindən də Əsgər Abdullayevin və ya başqa bir şəxsin Müşahidə Şurasına üzv seçiləcəyi haqda bizə hər hansı məlumat verilməyıb. Müşahidə Şurasının üzvləri hansısa şəxsin namizədliyini irəli sürə bilərlər. Lakin yekun qərar təsisçi tərəfindən qəbul edilir. Odur ki, sabahkı toplatında Əsgər Abdullayevin şuraya üzv seçiləcəyi haqda xəbərlər həqiqəti əks etdirmir”.