“Aqil Məmmədov 2 gün əvvəl istefa versə də, hər şeyə sabah aydınlıq gələcək"

“Baş məşqçi Aqil Məmmədov bazar ertəsi, 2 gün əvvəl istefa verib”. Bunu Futbolxeber.az saytına açıqlamasında “Sumqayıt”ın mətbuat xidmətinin rəhbəri Rəşad Məmmədov deyib.

Az əvvəl rekord.az saytı Aqil Məmmədovun “Sumqayıt”ın baş məşqçisi postunu tərk etdiyini, hətta onun əvəzedici komandanın baş məşqçisi Samir Abbasovla əvəzləndiyini yazıb. Lakin Rəşad Məmmədov baş məşqçinin taleyinə sabah aydınlıq gələcəyini qeyd edib: “Hələlik Aqil Məmmədovun istefasının qəbul olunub-olunmayacağı bilinmir. Sabah klub rəhbərliyinin iştirakı ilə Müşahidə Şurasının iclası keçiriləcək. Toplantı sabah saat 15:00-da “Azərkimya”nın binasında olacaq. Məhz həmin iclasda bütün suallara aydınlıq gələcək”.