“Azərbaycanda ilk dəfə legioner futbolçudan təzminat alan klub “Xəzər Lənkəran” olub”

“Transferlə bağlı Premyer Liqada ən çox problem yaşayan klubun “Xəzər Lənkəran” olması fikri ilə razı deyiləm. Azərbaycanda elə klub var ki, ümumiyyətlə transfer reallaşdırmır. Belədə təbii ki, həmin klubun FIFA ilə də hər hansı problemi olmayacaq”. Futbolxeber.az-ın məlumatına görə, bu sözləri “Xəzər Lənkəran”ın vitse-prezidenti Tuyqun Nadirov deyib.

Nadirov Azərbaycanda əcnəbi futbolçudan təzminat alan ilk klubun “Xəzər Lənkəran” olduğunu vurğulayıb: “Azərbaycanda ilk dəfə legioner futbolçudan təzminat alan klub “Xəzər Lənkəran” olub. 2006-cı ildə düşərgəni özbaşına tərk edən Xorxe Diasdan FIFA-ya şikayət etdik. Beynəlxalq futbol qurumu da bizim bu məsələdə haqlı olduğumuzu təsdiqlədi. Yekunda həmin futbolçu bizə təzminat ödədi. Halbuki buna qədər Azərbaycan klubları daim FIFA-ya şikayət edərkən qarşı tərəfdən mənfi cavab alırdılar”.