Rəşad Sadıqov: “Malta ilə oyun asan keçməyəcək”

“Sabah bizi ciddi imtahan gözləyir. Oyun asan keçməyəcək”. Futbolxeber.az-ın məlumatına görə, bu sözlər milli komandamızın kapitanı Rəşad Sadıqov deyib.

Avro-2016-nın seçmə mərhələsi çərçivəsində sabah Malta ilə üz-üzə gələcək yığmamızın aparıcı üzvü oyunöncəsi mətbuat konfransına qatılıb.

Təcrübəli futbolçu rəqibin hücum xəttinin güclü olduğunu qeyd edib: “Malta bu tsikldə özünü yaxşı tərəfdən göstərir. Onlar heç bir rəqibə asanlıqla təslim olmurlar. Malta yığması uğurla müdafiə oluna və kollektiv şəkildə hücum edə bilir. Rəqibin heyətində hücumda təhlükəli oyunçular var. Uğurlu nəticə qazanmaq üçün əlimizdən gələni edəcəyik” (azerisport.com).