Cavid Hüseynov: “Mənim və “Qəbələ”nin adının cinayət işində hallanması yaxşı hal deyil”

Cavid Hüseynov bu gün Bakı Appelyasiya Məhkəməsində baş tutan məhkəmə prosesində çıxış edib. Bu haqda Futbolxeber.az saytına futbolçunun vəkili Adəm Məmmədov məlumat verib: “Bugünki prosesdə Cavid Hüseynov da çıxış etdi. O, növbəti dəfə günahsız olduğunu bildirdi. Cavid qeyd etdi ki, bu məsələdən əvvəldəb xəbəri olsaydı, dərhal qarşını alardı. Müvəkkilim həqiqətən də hadisədən xəbərsiz olub. Cavid onu da qeyd etdi ki, özünün və “Qəbələ” klubunun adının cinayət hadisəsində hallanması yaxşı hal deyil. Faciəni o da pisləyir”.

Vəkil Hüseynovun hazırki durumundan da söz açıb: “Cavidin psixoloji baxımdan vəziyyəti normal olsa da, gərginlik içərisindədir. Başqa necə ola bilər ki? Günahsız halda kim həbs olunsaydı, gərginlik keçirərdi”.