“Xəzər Lənkəran” yoxlama oyunu keçirəcək

Milli komandaların qarşıdakı seçmə mərhələdə keçirəcəyi oyunlarla bağlı Premyer Liqada verilən fasilə müddətində “Xəzər Lənkəran” hazırlığını Lənkəranda davam etdirir. Futbolxeber.az-ın klubun rəsmi feysbuk səhifəsinə istinadən verdiyi məlumata görə, komanda son dörd günü gün ərzində iki məşq olmaqla hazırlığını Lənkərandakı bazasında keçirir. Məşqlərdə milli komandanın düşərgəsinə çağrılan Rahid Əmirquliyev, Ruslan Abışov, Vüqar Nadirov, Elnur Cəfərov və U-21-ə dəvət alan İlyas Səfərzadə ilə Orxan Əliyev iştirak etmir. Sabah bir məşqlə hazırlığı tamamlayan komanda, sentyabr ayının 2-də əvəzedici heyətlə yoxlama xarakterli oyun keçirərək fasilə müddətindəki hazırlığın ilk mərhələsini yekunlaşdıracaq.