Tahir Gözəl: “Qarabağ” Azərbaycanı cəsarətlə təmsil etdi”

“Möhtəşəm oyuna şahidlik etdik. Ancaq istədiyimiz nəticə alınmadı”. Futbolxeber.az-ın məlumatına görə, bu sözləri “Qarabağ”ın vitse-prezidenti Tahir Gözəl deyib.

UEFA Çempionlar Liqası III təsnifat mərhələsi cavab qarşılaşması - “Qarabağ” - “Seltik” oyunundan (0:0) sonra apasport.az saytına açıqlama verən klub rəsmisi oyun haqqında fikirlərini bildirib: “Unutmayaq ki, qarşımızdakı rəqib yaxın keçmişdə hətta “Barselona”nı məğlub etmiş komandadı. Bu komandada “Mançester Yunayted”də oynamış futbolçular oynayır. Buna baxmayaraq, “Qarabağ” Azərbaycanı cəsarətlə təmsil etdi. Oyundan razı qaldım. “Qarabağ”la fəxr edirəm”.

Yeni transferlərin çıxışı haqqında verilən suala cavab olaraq isə Tahir Gözəl bütün oyunçulardan razı qaldığını deyib: “Mən ayrı-ayrı oyunçular haqqında danışmaq istəmirəm, ümumiyyətlə, komandadan razı qaldım. Əsas önəmli olan baş məşçqi Qurban müəllimin fikirləridi. İnanıram ki, onlar tədricən komandaya uyğunlaşacaqlar və öz bacarıqlarını tam göstərə biləcəklər”.