“Apollon”un baş məşqçisi inadından əl çəkmədi: “Danışmaq istəmirəm”

Sabah Avroliqanın III təsnifat mərhələsinin cavab görüşü çərçivəsində Bakıda “Qəbələ”nin rəqibi olan “Apollon”un baş məşqçisi Pedro Emanuel oyundan əvvəl danışmaqdan imtina edib. Futbolxeber.az-ın məlumatına görə, daha əvvəldən mətbuat konfransı keçirməyəcəyini bəyan edən portuqaliyalı mütəxəssis komandasının oyunöncəsi məşqindən öncə azərbaycanlı jurnalistlərin müraciətini geri çevirib. Oyunöncəsi mətbuat konfransı keçirmək istəməməsinin heç bir xüsusi səbəbi olmadığını vurğulayan Pedro Emanuel, sadəcə “danışmaq istəmirəm” deməklə kifayətlənib.