“Apollon”un baş məşqçisi Bakıda oyunöncəsi mətbuat konfransı keçirməkdən imtina etdi

Avroliqanın III təsnifat mərhələsinin cavab oyunu çərçivəsində “Qəbələ”nin qonağı olacaq “Apollon”un baş məşqçisi Pedru Emanuel duş Santuş Bakıda oyunöncəsi mətbuat konfransı keçirməkdən imtina edib. Futbolxeber.az-a “Qəbələ”nin mətbuat xidmətindən verilən məlumata görə, Kipr tərəfi bildirib ki, portuqaliyalı mütəxəssis oyundan öncə jurnalistlərlə görüşmək istəmir. Bununla bağlı qarşı tərəf hər hansı bir səbəb göstərməyib.

Qeyd edək ki, oyundan əvvəl baş məşqçilərin mətbuat önünə çıxması məcburi deyil.