4 Aprel 2025, Cümə
Millimizin heyəti açıqlandı
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi

Ölkə futbolu

Qurban Qurbanov: “İlk qolu vuraq, sonrasını fikirləşərik”

“Vacib oyuna çıxırıq. Yaxşı komandaya qarşı oynayırıq”. Futbolxeber.az-ın məlumatına görə, bu sözləri “Qarabağ”ın baş məşqçisi Qurban Qurbanov deyib.

Sabah Çempionlar Liqasının III təsnifat mərhələsinin cavab görüşü çərçivəsində “Seltik”i qəbul edəcək Ağdam klubunun çalışdırıcısı hazırda oyunöncəsi mətbuat konfransı keçirir.

Qurbanov ilk oyunda qeydə alınan 1:0 hesablı qələbədən sonra rəqibin üstün tərəf olduğunu qeyd edib: “Seltik” yaxşı komplektləşmiş komandadır. Bizim üçün məsuliyyətli və vacib oyundur. Qlazqoda qeydə alınan nəticədən sonra üstünlük rəqibin tərəfindədir. Amma qarşıda 90 dəqiqə var. Futbolçularımız sona qədər mübarizə aparacaq. Son saniyələrə kimi komanda əlindən gələni edəcək. Azarkeşləri sevindirmək istəyirik”.

Təcrübəli mütəxəssis matçın keçiriləcəyi Tofiq Bəhramov adına qazonun durumunun pisləşməsinə də münasibət bildirib: “Qazon sürətli və baxımlı oyuna mane ola bilər. Amma havalar isti olduğundan qazonun da durumu pisləşib. Bununla belə, başqa çıxışımız yoxdu”.

“Qarabağ”ın çalışdırıcısı heyətdə dəyişikliklər ola biləcəyini istisna etməyib: Bəzi dəyişiklik ola bilər. Çalışacağıq ki, şanslardan istifadə edək. İlk qolu vuraq, sonrasını fikirləşərik. Əsas qol buraxmamaqdı”.








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30