FİFA “Xəzər Lənkəran” şikayətini təmin etmədi

FİFA “Xəzər Lənkəran”ın transfer qadağası ilə bağlı qərarından şikayətinə baxıb. Futbolxeber.az-ın məlumatına görə, ali futbol qurumu təmsilçimizin şikayətini təmin etməyib. Bu barədə Lənkəran klubunun mətbuat xidmətinin rəhbəri Hüseyn Cəbrayıloğlu məlumat verib: “Bir neçə vaxtdır ki, Ali Arbitraj Məhkəməsinin qərarını gözləyirik. Təəssüf ki, qərar xeyrimizə olmadı və transfer qadağası 31 avqusta qədər davam edəcək. Cari mövsümün ilk üç oyununda bizə nə qədər ağir olsa da bu böyük camiə ilə çətinlikdən çıxacağımıza əminəm".

Qeyd edək ki, "Xəzər Lənkəran"ın yeni transferləri yalnız sentyabrın 1-dən rəsmi oyunlarda meydana çıxa bilərlər.