Sabiq kapitan “Bakı”ya qayıtdı

Milli komandamızın sabiq üzvü Cəmşid Məhərrəmov yenidən “Bakı”ya qayıdıb. Futbolxeber.az-ın məlumatına görə, uzun illər “zolaqlılar”ın şərəfini qoruyan, hətta komandanın kapitanı olan Məhərrəmov yenidən “Bakı”nın düşərgəsindədir. Onun qarşıdakı mövsümdə məhz paytaxt klubunun formasını geyəcəyi gözlənilir.

Xatırladaq ki, 2007-ci ildə “Bakı”ya transfer olunan Məhərrəmov, uzun müddət klubda çıxış edib. Komandayla birgə 1 dəfə ölkə çempionu olan, 2 dəfə kuboku qazanan futbolçu Bojidar Bandoviçin vaxtında o, klubu tərk edib. Ötən mövsümün əvvəlində komandaya qayıdan futbolçu, yanvarda “Adanaspor”a transfer olunub.