“Qarabağ” - “Seltik”: “Qara bazar”dakılar hətta Əmrah Çəlikələ də bilet təklif etdilər

Çempionlar Liqasının III təsnifat mərhələsinin cavab oyunu çərçivəsində keçiriləcək “Qarabağ” - “Seltik” matçının satışları bu gündən satışa çıxıb. Futbolxeber.az-ın məlumatına görə, elə ilk gündən bilet satışı ilə bağlı problemlər ortaya çıxıb. Belə ki, bu gün saat 17:00-dan etibarən matçın keçiriləcəyi Respublika stadionunun kassaları bilet satışını dayandırıb. Əvəzində “qara bazar”da biletləri əldə etmək mümkün olub. Bu zaman isə bilet satış qiymətinə deyil, daha baha olaraq alıcılara təqdim edilib. 3 manatlıq biletlər “qara bazar”da 5 manata satılırdı. Ən maraqlısı isə odur ki, “Qarabağ”ın direktoru Əmrah Çəlikəl bilet satışı ilə maraqlanmaq üçün stadionun giriş qapısına gələrkən “qara bazar”dakılar hətta ona belə, bilet təklif etməkdən çəkinməyiblər...