Svanadze “Atletik”lə oyundan danışdı: “Bakıdakı görüş tam fərqli olacaq”

“Atletik” ədalətli qələbə qazandı. Bacardığımız qədər oynadıq. Rəqib güclü idi”. Futbolxeber.az-ın məlumatına görə, bu sözləri “İnter”in baş məşqçisi Zaur Svanadze “Atletik”lə oyundan sonra deyib.

Komandasının Bilbaodakı 0:2 hesablı yenilgisini şərh edən gürcü mütəxəssis, meydana 5 müdafiəçi ilə çıxmalarının səbəbini də açıqlayıb: “Bəzi futbolçularımız ilk dəfə idi ki, belə stadionda oynayırdılar.Amma layiqli mübarizə apardılar. “Atletik”dən gözlədiyimiz oyunu gördük: sürət və hücum. Mərhələni keçmək çətin olacaq. Lakin cavab matçında layiqli oynamalıyıq. Qazon süni örtüklü olacaq, üstəlik havanın hərarəti müsbət 40. Odur ki, cavab oyun başqa cür olacaq. Meydana 5 müdafiəçi ilə çıxmağımız normaldi. Əvvəldən qolsuz heç-heçə barəda düşünmürdük”.