Valeri Abramizde: “Azlıqda 2 qol buraxmaq “Qəbələ” üçün yaxşı hal deyil” ÖZƏL

“Qəbələ”dən daha yaxşı oyun gözləyirdim. Amma “Dinamo” da yaxşı təsir bağışladı”. Futbolxeber.az-ın Tiflisə ezam olunmuş əməkdaşına verdiyi açıqlamada bu sözləri Valeri Abramidze deyib.

Vaxtı ilə ölkəmizdə “Neftçi”, “Xəzər Lənkəran” və “İnter”in formasını geymiş müdafiəçi, “Dinamo” - “Qəbələ” matçı haqda deyib: “Dinamo” topa daha çox nəzarət edirdi. Çox təəccübləndim ki, onlar 10 nəfər qalsalar da, 2 qol vurdular. Azlıqda 2 qol buraxmaq “Qəbələ” üçün yaxşı hal deyil. “Dinamo” da güclü kollektivdir. Onlarla açıq futbol oynamaq çox çətindir”.

Cavab oyunu barədə isə Abramidze bunları söyləyib: “Şanslar bərabərdir. “Qəbələ”yə cavab görüşündə cəmi 1 qol lazımdı. Amma fikir verdim, “Qəbələ” müdafiədən hücuma çox gec keçir. “Qəbələ” mərkəz keçənə qədər, “Dinamo” artıq müdafəni tam bağlayır. Cavab oyununda hər ik komandaya uğurlar arzulayıram. Mən gözəl futbola azarkeşlik edəcəyəm”.