Qazzayev “Neftçi”yə gələcəyi haqda xəbərə münasibət bildirdi: “Təxribatdı”

“Aktobe”nin baş məşqçisi Vladimir Qazzayev “Neftçi”ni çalışdıracağı haqda yayılan xəbərlərə münasibət bildirib. Futbolxeber.az-ın sports.kz saytına istinadən verdiyi məlumata görə, Qazzayev yayılan xəbərləri təkzib edib. O, “Neftçi”ni çalışdırmaq haqda düşünmədiyini söyləyib: “Astana”ya qarşı keçirəcəyimiz 2 vacib oyundan əvvəl bu xəbərin mətbuatda yayılmasını təxribat hesab edirəm. Atam (Valeri Qazzayev-red.) həqiqətən də bu günlərdə Bakıda olub. Lakin onun səfəri sırf öz işləri ilə bağlı idi. “Aktobe”dən getmək barədə düşünmürəm. Gələcəkdə də komandanın həm daxili arenada, həm avrokuboklarda uğurlu çıxışı üçün əlimdən gələni edəcəyəm”.