Abdullayev: “10 nəfərlə pis oynamadıq”

“Oyun çətin alındı. İlk hissənin sonunda azlığda qalmağımız nəticəyə birbaşa təsir göstərdi”. Futbolxeber.az saytına verdiyi açıqlamada bu sözləri “Neftçi”nin üzvü Araz Abdullayev deyib.

“Sumqayıt”la oyun haqda danışan Abdullayev, ikinci hissədə toparlandıqlarını bildirib: “Azlıqda qalsıq da, məğlubiyyətlə barışmadıq. İkinci hissədə toparlana bildik. Bunun da nəticəsində məğlubiyyətdən qaçdıq. Əsas odur ki, doğma meydanda məğlub olmadıq. İkinci hissədə komandamız xarakter göstərdi”.

“Neftçi”nin aparıcı üzvü “Sumqayıt” haqda fikirlərini açıqlayıb: “10 nəfərlə “Sumqayıt”a qarşı pis oynamadıq. “Sumqayıt” gənclərdən təşkil olunmuş komandadır. Əksər futbolçuları gələcək vəd edir. Bizə qarşı yaxşı mübarizə apardılar”.

Abdullayev sonda çempionatdakı məqsədləri haqda da danışıb: “Mövsümü uğurlu nəticələrlə başa vurmaq istəyirik. Çalışırıq ki, son oyunlarda qələbə qazanaq və turnir cədvəlində irəliləyək”.