“Qəbələ” AZAL-ın hücumçusunu transfer edə bilər ÖZƏL

AZAL-ın hücumçusu Freddi Mombonqo yeni mövsümdən etibarən karyerasını “Qəbələ”də davam etdirə bilər. Futbolxeber.az-ın məlumatına görə, “Qəbələ” artıq bir müddətdir ki, konqolu hücumçu ilə maraqlanır. Əgər, Dorinel Muntyanu qış fasiləsində komandanı tərk etməsəydi, o zaman Mombonqo elə yanvardan “Qəbələ”nin şərəfini qoruyacaqdı. Rumın mütəxəssis komandanı tərk etdiyindən, keçid baş tutmadı. İndi isə Mombonqonun yenidən “Qəbələ”yə keçmək ehtimalı yaranıb.